ll تسريحات شعر للجامعة والمدرسة ..

A S E E L . F · منذ /11-09-2011, 07:56 PM

السلام عليكم و رحمة الله وبركاته
كيفكم صبايا من بعد رمضان و العيد
الجامعة والمدرسة بدات هالسبت .. وأكيد أغلب البنات حايسين بأعمارهم
اللي بالمول تقضي ملابس، شوزات، باقز، و أكسسوارت شعر وغيره الكثييير
واللي رايحة رادة من عند الخياط تفصل لها مريول < الله يالمدرسة
أن شاء الله تتوفقون في مشترياتكم للمدرسة والجامعة
..
موضوعي اليوم عن تسريحات شعر تناسب الجامعة + المدرسة سواءاً كنتي طالبة أو تشتغلين
كل هالتسريحات جداً جداً سهلة، ماتحتاجين لا فير ولا رغوات ولا جل ولاهم يحزنون ..
وماتتقيدين أنو يكون شعرك ستريت أو ويفي أو كيرلي، يعني لو تستشوريه أو تسرمكيه
كافي جدأً < بالنسبة للي شعرها مرة كيرلي .. واللي شعرها ما شاء الله طبيعته أملس
أو ويفي بس تطبق التسريحة على طول
لكن
قبل مانسوي اي تسريحة لازم يكون شعرنا كويس .. يعني مايكون منفوش أو جاف
أو مجعد بطريقة مبهذلة أو مدهن .. كذا بتطلع النتيجة أكبر X
تعالوا معي نشوف شنسوي بشعرنا عشان يطلع شكله مع هالتساريح جميييل
+ راح أتكلم عن شعري وشنو أسوي فيه -بما أن التعامل معه صعب نوعاً ما -

همسسسسه ..
ما احلل التحريف بحقوقي و النقل يكون بذكر المصدر
F @ شقاوة مبدع ..

برب ..

.

A S E E L . F · منذ /11-09-2011, 08:02 PM

| النظافة + الإهتمام |
طبيعة الشعر : كيرلي + جاف + يدهن من جذوره لو ماغسلته ثلاث أيام
لازم نغسل شعرنا كل يومين أو ثلاث ايام بالكثير .. ترى الشعر يبان عليه لو نظيف أو لا
+ ريحة الشعر تفوح خاصةً للي تفك شعرها .. فـ اللي ماتغسله يبان عليه

أنا أستخدم شامبو Clear for women .. لأن طبقة الفروة عندي تفرز دهون،
والدهون تسبب لي القشرة .. فأستخدم هالشامبو عشان يحميني منها
طبعاً كل وحدة تستخدم الشامبو اللي يناسب نوعية شعرها.

بعد ما أغسله بالشامبو أستخدم بلسم Garnier Fructis للشعر المتجعد وصعب التمليس،
عشان يعطي شعري شوية طراوة .. أمسح شعري فيه، وأدلكه على فروة الرأس ثم أشطفه بالموية.
وكل وحدة برضو تستخدم البلسم اللي يناسب شعرها، حتى اللي شعرها أملس تستخدم
البلسم عشان يطلع شكل شعرها صحي أكثر وأكثر

بعد الشاور .. أمسح شعري -وهو مبلل- بكريم مقوي للتصفيف والحماية ومغذي كمان
من Garnier Fructis للشعر الجاف والمتضرر -يعالج ويغذي-
وبعدها أتركه مفكوك -ما أربطه أخليه يتهوى - لأن كتمة الشعر وهو مبلل تضعفه
+ تسبب تساقطه + يكون شكله مزيت و هابط ومايوحي بالنظافة
هالكريم يعطي شعري ريحة مننننعشة .. لمّا أهف بشعري أشم ريحته وأنتعش
واللي شعرها صحي ممكن تتجاوز هالنقطة لأنها ماراح تحتاجها

بعد مايجف شعري أحط سيروم كرستال المعروف وأبدأ أستشور شعري جزء جزء
بإستشوار Emjoi قوة 220 .. ولأن شعري خفيف نوعاً ما أخلص منه في 30 دقيقة
بعدها أمرر السيراميك على الغرّة و أطراف الشعر ألفها بالسيراميك ..
وبكذا يكون شعري جاهز للتسريحة

إذا استشورت شعري يطلع كذا .. نهايته زي الدبابيس وأكره هالشكل
فأضطر ألفه بالسيراميك من تحت عشان تكون نهايته طبيعية أكثر
و ألف كامل الشعر كعكعة على خفيييف عشان إذا فكيته مايكون ستريت مرة!
لا تكون الشعر تلف يمين ويسار بسهولة

برب

.

A S E E L . F · منذ /11-09-2011, 08:35 PM

| تسريحات الشعر Hairstyle |
بحط لكم صور التسريحات + روابط فيديو لها ع اليوتيوب. تقريباً 22
..
(1)

هالتسريحة مافي أتفه منها .. خذيلك طوق مزيّن -تلقون تشكيلات حلوة في كشكات المولات-
و ربطة شعر بلاستيك نحيفة أو بنسة فيها كرستالة أو وردة .. ألبسي الطوق، وإذا لك غرّة لا تلمينها
مع الطوق .. خليها نازلة .. وإذا كانت طويلة أو ماتبينها طايحة على وجهك أبرمي نهايته
ورجعيها ورا ببنسة نفس لون شعرك -أسود أو أشقر- بحيث تجي برمة الغرة فوق الطوق
ومن ورا كأنكِ تسوين كعكة بس خليها مرخية وياحبذا طالعة منها كم شعره

(2)

الظفيرة الفرنسية .. لما تسوينها -زي مابتشوفوا في الفيديو اللي تحت-
تجيبيها ع الجنب و الغرّة تكون فوضوية نوعاً ما على وجهك ..

(3)

بوف بسيط للغرّة -وهنا لازم تكون الغرة مسرمكة ومو متجعدة- نمسكها ببنسه حلوة
فيها شغلات زي كريستال أو نهاية وردة أو أي شي -أحلى من السادة- وباقي الشعر
يكون مفكوك ستريت أو ويفي < ويفي طبعاً احلى ولو شعرك خفيف حاولي تنفشيه
بتمشيطه عكس إتجاه نمو الشعر
(4)

نفس البوف اللي سويناها فوق -بس نستخدم بنسة ماتبين على لون شعرنا-
و نرفع الشعر ونبرمة كعكة ونثبت الكعكعة بربطه شعر نحيفة مرة أو بنسة.
وهنا لازم الشعر يكون ممشط ومرتب بدون شعرات طايرة . عادة بهالتسريحة تبرز أقراط الإذن بقوة

(5)

نفس التسريحة اللي فوق لكن بدون بوف الغرة + عادي تكون الكعكعة
نازلة + فوضوية .. وعاد تفنني بالربطات .. مشجرة، مطرزة، فيونكة .. الخ
كمان هنا تبرز أقراط الأذن

(6)

هالتسريحة مرة حبيتها .. تلمين الجزء اللي فوق كعكعة صغيرة وبس
أحسها تعطي شكل كيوووت بس ماتناسب أي وجهه

(7)

نآخذ خصلتين صغار من قدام نبرمهم أو نظفرهم ونرجعهم لورا ونثبتهم ببنسة
نفس لون شعرنا وباقي الشعر مفكوك + الغرة .. لو الشعر ويفي أحلى من ستريت

(8)

نظفر الغرّة .. ونستمر نظفر ونآخذ شعرات في طريقنا ونضمها مع الباقي ونظفرها
-الفيديو أوضح من شرحي- بعدين نثبتها ببنسة نفس لون شعرنا لورا أو بنسة مزيّنة
(9)

هالتسريحة رسمية شوي .. أنا ما حبيتها أحسها تكبر الوحدة بقوة
-شرحها في الفيديو تحت-
هالفيديو يشرح طريقة الـ9 تسريحات اللي فوق

(10)

هالتسريحة تجنن .. تلمين شعرك كعكعة نازلة وفوضوية
وتآخذين خصلتين من قدام وتظفرينهم لورا وتثبتينهم ببنس نفس لون شعرك
وغرّتك حلوة تكون فوضوية على وجهك أو تكون مرتبة وملمومة ع الجنب

(11)

مرة نايس هالتسريحة .. تسوين طوق ظفيرتين من نفس شعرها
تآخذين خصلة من تحت من اليسار واليمين وتظفرينهم وتجيبين
كل وحدة بإتجاه الثانية وتثبتيهم ببنس نفس لون شعرها
والغرة تخلينها ستريت وع الجنب ..

(12)

هنا تفرقين شعرك من النص وتآخذين خصلتين من مقدمة الرأس
وتظفرينهم على ورا وتثبتيهم ببنس .. جداً رآيقة هالتسريحة

(13)

هالتسريحة تشبه رقم 8 .. لكن رقم 8 كآنت تظفر وتآخذ معها خصلات
بينما هالتسريحة بس آخذت الغرة وظفرتها لورا .. رقم 8 أحلى طبعاً
وهالفيديو يشرح التسريحة رقم 10 و11 و12 و13

(14)

هالتسريحة ياي .. تجيبي شعرك كله ع الجنب وتظفريه
من الغرّة إلى ناهيته .. حلو تضيفي شوية أكسسوارات له
فيديو يشرح التسريحة

(15)

أخذي ثلاث خصلات من الجنب وأربطيهم بالميني ربطة البلاستيكية وبس
فيديو يشرح التسريحة

(16)

هالتسريحة نفس تسريحة رقم 11 وشكلها أرتب منها + البنت أضافة ووردة
ونحفت التظفيرة وعملت بوف من بعد التظفيرة
فيديو يشرح التسريحة

(17)

تظفيرة طويلة + الغرة حقتها كثيفة .. خلتها مجعدة بالفير ع السريع
وطلع شكلها .. أحس لو عفست التظفيرات أحلى
فيديو يشرح التسريحة
(18)

هالتسريحة للي مستعجلة .. ضبطي غرتك ويفي أو ستريت
وسوي باقي شعرك كعكة ع الجنب وأحلى لو كانت فوضوية
فيديو يشرح التسريحة
(19)

راقية هالتسريحة .. لكل زمان ومكان .. تتركين جزء صغير
من شعرك قدام وتآخذين مجموعة خصل لورا وتثبتينها ببنسة
وتنفشين شعرك لو كان خفيف
فيديو يشرح التسريحة

(20)

هالتسريحة مرة حبيتها .. تفرقين شعرك بالنص ثم تبرمين بدايته
وبعدين تظفرينه بفوضوية لورا .. والباقي تسوينه كعكعة فوضوية
ووردة ع الجنب أو فيونكة
فيديو يشرح التسريحة

(21)

أبد كعكعة فوضوية + وردة في نص الشعر الفوضوي
فيديو يشرح التسريحة
(22)

فرقت شعرها ع الجنب .. وظفرت الجنبين على ورا و وسعت الظفاير وبس
فيديو يشرح التسريحة

كذا أنتهى موضوعي .. وأتمنى أن الكل يستفيد منه .. ودعواتكم بالتوفيق تكفيني

ᗩгωα · منذ /11-09-2011, 11:20 PM

يَ لبيه
موضوُع يجنن بكُل مآتحمله الكلمة من معنَى
كَ مضموُن رآآئع
وتنسيِقك وشرحِك للتسريحآت جداً مبسَط ومميَز ،
تسلَم إيديِنك عَ هيك إبدآع ، عسَى إيدينك مآتمسهآ النآر
مشرفَة بجدآرةة
لِك آحلى تقيِيِم ..

لحن غفا · منذ /12-09-2011, 07:50 AM

وااااااااااااااو
طرح قمة الروعه
خصوصا للبنات بالذات هاذي الايام نحتاجها
سلمت يمينك على ابداعاتك الخطيييييييرة
ماقصرتي والله
يعطيك الف الف الف عاافية
دمتي بود

NAM~ · منذ /12-09-2011, 09:27 AM

موضوعك شيء ، ممرة عجبني
وآن شآء آلكل يستفيد .. وبالذات تسريحات طريقتهم سهله
ربي يعطيك آلعآفيه ،
تقيم +

мιѕѕ ρяєѕтιgє · منذ /12-09-2011, 01:03 PM

تسريحات مره رووعه
ماننحرم من جديدك
مودتي..

.. ♪ Swna · منذ /12-09-2011, 01:08 PM

,

يَ لبى إنتِ , خطيرآت بِ آلحيييل ..
يعطيكِ ألف عافيه , تقيييم ..
لكِ ,

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

ll تسريحات شعر للجامعة والمدرسة ..

العناية بالبشرة والجسم - تسريحات - مكياج - فساتين سهرات